Verslun

Betri
yfir­sýn

Tímon hentar verslunargeiranum sérstaklega vel, jafnt smærri verslunum sem stórum. Verslanir þurfa lausn sem er þægileg í notkun, uppfyllir réttindi og kjarasamninga VR og styður við margar starfsstöðvar.

Kostnaðaraðhald er mikilvægt, kerfið verður að vera notendavænt og að möguleiki sé á að ná sambandi við vanan ráðgjafa ef þörf er á. Launakostnaður er jafnan stór kostnaðarliður og oft talsverð starfsmannavelta. Utanumhald vakta og verkefni því tengd verða þess vegna að ganga hratt og vel. Hér skiptir öllu máli að fylgjast vel með áður en kemur að launauppgjöri og bera saman lykiltölur hjá mismunandi deildum, eins og veikindi og starfsmannaveltu.

Fjölbreyttar skráningarleiðir

Hægt að nota ýmsar skráningarleiðir, m.a. fingrafaraskanna, stimpilklukku eða kortaskanna

Fyrir mannauðsstjóra

Tól fyrir mannauðsstjóra til að fylgjast með þróun veikinda, veikindarétti, orlofsréttindum og starfsmannaveltu.

 

Vaktaplan

Tímon Vaktaplan heldur á þægilegan hátt utan um vaktirnar og einfalt er að raða á vaktir til að takmarka yfirvinnu. Starfsfólk getur nálgast vaktaplanið sitt í snjallsímanum.

Viðvera og fjarvistir

Einfalt að halda utan um veikindi og aðrar fjarvistir. Starfsfólk getur sótt um orlof eða launalaust leyfi. 

Samanburður lykiltalna

Samanburður milli starfsstöðva, t.d. starfsmannavelta, veikindi og yfirvinna – stjórnendur sjá daglega hvert launakostnaður stefnir

Stytting vinnuviku

Hægt að fylgjast með og mæla veikindi, viðveru, framlegð verka fyrir og eftir styttingu vinnuviku. Hvernig veistu hvort þú ert að ná markmiðum með breytingu?

Láttu okkur um
vanda­málin

Hér vinna tvær mjög öflugar konur sem báðar hafa reynslu sem launafulltrúar og þekkja því mjög vel til kjarasamninga og séraðstæðna í smásölu. Hér kemur saman mikil reynsla af innleiðingum hjá verslunarfyrirtækjum, bæði hjá kaupmanninum á horninu og alþjóðlegum verslunarkeðjum

Talaðu við okkur

Við erum alltaf tilbúin til að tækla vandamálin svo að þú getir einbeitt þér að því sem skiptir þig máli í þínum rekstri

// Aðalheiður – Tímon ráðgjafi og þúsundþjalasmiður

Ef þig vantar einhvern til að gera og græja er Aðalheiður þín manneskja. Ekki nóg með að hún beri hæfni til að greina þarfir ólíkra fyrirtækja þá þekkir hún líka byggingabransann eins og lófann á sér, enda verkfærabeltið aldrei langt undan. Þjónustu- og greiningarhæfni Aðalheiðar má rekja til haldgóðrar reynslu af launaútreikningum, tímaskráningarkerfum og mannauðsmálum. Verkefnum sínum sinnir hún af skipulagi og þolinmæði, en það lærði hún ekki síst við störf sín sem grunnskólakennari til fjölda ára. Aðalheiður kallar því ekki allt ömmu sína.

// Fanney – Viðskiptastjóri Tímon og fyrrum fisksali

Fáir búa yfir jafn mikilli þrautseigju og hún Fanney okkar, sveitastelpan að norðan, enda er hún yngst fimm systra. Fanney er félagsfræðingur að mennt og elskar tölfræði. Með jákvæðnina að vopni lætur hún verkin tala, þaulreynd og uppfull af alls kyns þekkingu og fróðleik sem hún hefur meðal annars öðlast sem fyrrum leiðbeinandi, mannauðs- og launafulltrúi. Drifkraftur Fanneyjar tvíeflist þegar kemur að sölu en sem fisksali á árum áður var hún löngum þekkt fyrir sína fleygu setningu: „Vilt‘ ekki rúgbrauð með ‘essu?“

Leitaðu ráða á öðrum sviðum

,,Fyrirtæki í framleiðslu vinna eftir nokkuð margslungnum kjarasamningareglum og nýta sér þá gjarnan möguleikann á að láta Tímon reikna bónus- og álagsgreiðslur auk fatapeninga svo eitthvað sé nefnt. Kostnaðaraðhald er mikilvægt og yfirvinnu er haldið í lágmarki með hjálp Tímon. .“

„Að vera með kerfi sem styður m.a. við sveigjanlegan vinnutíma, veitir yfirsýn yfir tímanotkun og gerir starfsfólki kleift að sjá eigin orlofsstöðu í rauntíma. Skýrt utanumhald í tímaskráningu eykur til muna alla yfirsýn og sparar mikinn tíma. Hér höfum við mikla reynslu, við þekkjum þetta.“

+354 5100 600

Laugavegi 178
105 Reykjavík, Iceland

Product by